ඉරුවාරදය(Migraine)

ඉරුවාරදය(Migraine)

Migraine - ඉරුවාරදය

ඉරුවාරදය යනු ස්නායු රෝග අතරින් තවත් එක් විශේෂිත එකකි. එයට හේතුව වන්නේ එය යම් ආකාරයක හිසේ අමාරුවක් ලෙස දැනුනද සාමානයෙන් අප එදිනෙදා දකින හිසරදයට වඩා මදක් වෙනස් ස්වරුපයකින් මෙය රෝගියාට දැනීමයි. එක්තරා ආකාරයක පීඩාකාරී රෝගයක් වන මෙය ඉද හිට නැවත් නැවත මතුවන ආකාරයේ රෝගයක් ලෙස හදුනා ගත හැකිය. තවද මෙය බොහෝ විට මානසික පීඩනය ආතතිය වැනි තත්ත්ව සමග වර්ධනය වන අතර ඇමරිකාවේ 12% පමණ ජනගහනයක් මෙයින් පීඩා විදින බව හදුනාගෙන ඇත. ශ්‍රි ලංකාවේද මෙම රෝගය බහුලව පවතින බව හදුනාගෙන ඇත.

ඉරුවාරදය යනු කුමක්ද..?

ඉරුවාරදය යනු පැය කිහිපයක් එකදිගට පවතින හිසරදයකට සමාන තත්ත්වයකි. එය බොහෝ විට හිසේ එක් පැත්ත්කට සීමා වේ. තවද වමනය ආලොකයට හා ශබ්ද වලට ඇති අකමැත්ත වැනි ලක්ෂණද මේ සමග ඇති වේ.

ඉරුවාරදය ඇතිවීමට හේතු මොනවාද..?

මෙය තවමත් නිශ්චිතව පැහැදිලි කර නැති නමුත් මේ සදහා බලපෑම් කලහැකි හේතු කිහිපයක් හදුනාගෙන ඇත.
1. ජානමය කරුණු
2. අධික මානසික ආතතිය
3. සමහර ආහාරමය හේතු
4. සමහර ඖෂධ
5. අප්‍රසන්න ශබ්ද වලට අනාවරනය වීම
6. අධික ආලොකයට ආනාවරනය වීම
7. මොළය ආශ්‍රිතව ඇතිවන ප්‍රශ්න

ඉරුවාරදය කාන්තාවන් අතර වැඩිපුර දක්නට ලැබෙන්නේ ඇයි..?

නිශ්චිතව පැහැදිලි කර නැතත් තරුණවියේ කාන්තවන් අතර මෙය ඉතා විශේෂයෙන් හදුනා ගත හැකිය. ඒ සඳහා ඊස්ට්‍රජන් නම් හෝමනයේ බලපැමක් ඇතිබව හදුනාගෙන ඇත. තවද ඔබ උපත්පාලන පෙති භාවිතා කරන්නේනම්, ඉරුවාරදය ඇතිවීමට වැඩි ප්‍රාවනතාවයක් ඇත.

ඉරුවාරදය පාලනය හා ප්‍රතිකාර ගැනීම සිදු කරන්නේ කෙසේද..?

මෙම රෝගය පාලනය කිරීමේදි විශේෂයෙන්ම වැදගත්වනුයේ හේතුකාරක හදුනාගැනීම හා ඒවයෙන් වැලකීසිටීමයි. උදාහරණයක් ලෙස ඔබ බඩගින්නේ සිටින විට මෙම තත්වය ඉහල යයි නම් නියමිත වෙලාවට ආහාර ගැනීම ඉතා වැදගත් වේ. තවද ඔබ උපත් පාලන පෙති පාවිච්චිකරන කාන්තාවක්නම් වෛද්‍යය උපදෙස් මත තමාට ගැලපෙන උපත්පාලන ක්‍රමයකට යොමුවීම ඉතා වැදගත්ය.
මීට අමතරව කෙටිකාලීන හා දීර්ඝකාලීන ප්‍රතිකාර සඳහා යොමුවීම අවශ්‍යය වේ. ඔබගේ වෛද්‍යයවරයා විසින් ඔබගේ රෝගය සඳහා ගැලපෙන ප්‍රතිකාරය තීරණය කරනු ඇත.

මේ සදහා ඔබගේ පවුලේ වෛද්‍යයවරයා, කායික රෝග හෝ ස්නායු රෝග සම්බන්ධ වෛද්‍යයවරයෙකු හමුවීම වැදගත්වේ.
තවද හදිසි අවස්තාවකදී අවශ්‍යනම් පැරසිටමොල් පෙති දෙකක් ලබගැනීම සුදුසු වේ.

අපගේ උත්සහය සාර්ථක වන්නේ ඔබගේ අදහස් හා යෝජනා මගින් පමණි. එබැවින් එවැනි යෝජනා ඇත්නම් අප වෙත ඊමේලයක් මගින් හෝ අපගේ ෆොරමයේ සාකච්ඡාවක් ලෙස හෝ දන්වන්න.

[contact-form-7 id="175" title="Contact form 1_copy"]