සුදු කබර (Vitiligo)

සුදු කබර (Vitiligo)

witiligo- sudu kabara- සුදු කබර

සුදු කබර (Vitiligo) තත්ත්වයෙන් පෙලෙන රෝගියෙක්

සුදු කබර යනු අප රටේ බහුලව දක්නට ලැබෙන සමේ රෝග තත්ත්වයක් ලෙස හදුන ගත හැකිය. මෙය ප්‍රධන වශයෙන් ශරීරයේ සුදු පැහැති ලප හෝ ප්‍රදේශ ලෙස හදුනා ගත හැකිය. තවද මෙම තත්වය වෙනත් විවිධ රෝග සමග සම්බන්ධතාවයක් දැක්විය හැකි අතර එය වෙනත් සමේ රෝග වලින් වෙන් කර හදුන ගැනීමද වැදගත් වේ.

සුදු කබර ඇති වන්නේ කෙසේද..?

මේ සදහා නිවැරදි හේතුකාරකයක් තවමත් සොයගෙන නොමැති නමුත් එය Autoimmune තත්වයක් ලෙස හදුනා ගෙන ඇත.
අප සමේ වර්ණය සද හා වැදගත් වනුයේ මෙලනින් නැමති වර්ණකයයි. මෙම රෝගයේදී මෙලනින්
(Melanin) නම් වර්ණකය ක්‍රමයෙන් අඩු වී යාම සිදුවේ. මේට හේතු වන්නේ මෙලනින් නිෂ්පාදනය කරනු ලබන මෙලනොසයිට නම් සෛල තුලදීම මෙලනීන් විනාශ වී යාමයි.

සුදු කබර හදුනා ගන්නේ කෙසේද..?

මෙම රෝගය බහුලව දක්නට ඇති ප්‍රදේශ අතර;
1. අස්ථි පෘෂ්ඨ ආවරනය කරන ප්‍රදේශ (ඇගිලි පි‍ටුපස, වැලමිට, දනිස්)
2. ශරීරයේ විවරයන් අවට ප්‍රදේශ (ඇස්, මුඛය, නාසය)
3. ඉකිලි හා කිහිලි ප්‍රදේශ
4. කකුල්, තනපුඩු, ලිංගේන්ද්‍රයන් වැනි වෙනත් ප්‍රදේශ වේ.
එලෙසම මෙම තත්ත්වය තුවාල ප්‍රදේශ වලද, හිසකෙස් අතරද වර්ධනය විය හැකිය.

සුදු කබර ඇතිවිය හැකි වෙනත් රෝග මොනවාද..?

සමහර රෝගී තත්ත්ව සමග මෙය ඇතිවිය හැකිය ඒ අතර දියවැඩියාව, ගලගන්ඩය වැනි තත්ත්ව ප්‍රධාන වේ.

සුදු කබර රෝගය සුව කල හැකිද..?

සුදු කබර යනු සම්පූර්ණයෙන් සුව නොවන තත්ත්වයකි. එසේ වුවද එය ප්‍රතිකාර මගින් නිසි ලෙස පාලනය කර ගත හැකිය. ඇතැම් පුද්ගලයන්ගේ එය නැවත ඇති නොවෙන්නටම නැතිවී යා හැකිය. මේ සදහා විවිධ ප්‍රතිකාර ක්‍රම පවතින අතර එක් එක් පුද්ගලයන්ගේ සිරුරු ඒ සදහා දක්වන ප්‍රතිචාර වෙනස් විය හැකි බැවින් එකිනෙකාට ගැලපෙන ප්‍රතිකාර විවිධ වේ. ඒ අතර විවිධ ක්‍රීම් වර්ග, ආලෝකය මගින් කරනු ලබන ප්‍රතිකාර වැනි දේ වේ.

UV for vitiligo

සුදු කබර(vitiligo) සඳහා පාරජම්බුල කිරණ ප්‍රතිකාරය (UV treatment)

මේ සදහා ඔබේ පවුලේ වෛදයවරයා හෝ සමේ රෝග විශේෂඥ වෛදයවරයෙකු හමුවීම සුදුසු වේ

අපගේ උත්සහය සාර්ථක වන්නේ ඔබගේ අදහස් හා යෝජනා මගින් පමණි. එබැවින් එවැනි යෝජනා ඇත්නම් අප වෙත ඊමේලයක් මගින් හෝ අපගේ ෆොරමයේ සාකච්ඡාවක් ලෙස හෝ දන්වන්න.

[contact-form-7 id="175" title="Contact form 1_copy"]