බඩේ වේදනාව

ගැස්ට්‍රිටිස් (Gastritis )

Gastritis ආමශයික ප්‍රදාහය in sinhala

ගැස්ට්‍රිටිස් යනු බොහෝ විට තරුණ හා ළමා පරපුර අතර බහුලව දක්නට ලැබෙන තත්ත්වය වේ. එය සමන්‍යයෙන් ඉතා වේදනාකාරී තත්ත්වයක් ලෙස බොහෝ දෙනෙක් හදුනාගෙන ඇත. මෙය ආසාදන තත්ත්ව, අයහපත් ආහාර රටා, මානසික ආතතිය වැනි විවිධ තත්ත්ව සමඟ ඇතිවිය හැකිය. නිසියකාරව ප්‍රතිකාර නොගැනීම නිසා මෙය දීර්ඝ කාලීනව පැවතීමෙන් ආමාශය හා කුඩා අන්ත්‍රය ආශ්‍රිතව තුවාල ඇතිවීම වැනි විවිධ සංකූලතා මතුවිය හැකිය.

ගැස්ට්‍රිටිස් යනු?

මෙම රෝගය ඇතිවීම සිදුවන්නේ ආමාශය ආශ්‍රිතවයි. මෙහිදී ආමාශයික යුෂයේ ඇති අම්ල(HCL) හා ප්‍රොටියොලිටික එන්සයිමවල(Proteiolitic enzymes) ක්‍රියාකාරීත්වය හේතුවෙන් ආමාශයික බිත්තිය තුවාලවීම හා ඒ ආශ්‍රිතව ඇතිවන ප්‍රතිචාර බඩේ ඇතිවන අධික වේදනාවට හේතුවෙනවා. ඒ කෙසේ වුවද දැනට හදුනාගෙන ඇති ආකාරයට බොහෝ රෝගීන්ගේ ආමාශය ආශ්‍රිතව ඇතිවන මෙම තත්වය සඳහා බැක්ටීරියාවක් හේතු වේ. එය හෙලිකොබැක්ටර් (Helicobacter pylori ) නමින් හදුන්වයි.

helicobacter in gastritis

Helicobacter pylori නම් බැක්ටිරීයාව

ගැස්ට්‍රිටිස් වලට හේතු මොනවද?

බොහෝවිට සමාජයේ පවතින මතය අනුව මෙම තත්වයට මූලික හේතුව වන්නේ නිසි පරිදි ආහාර නොගෙනීමයි. කෙසේ වුවද මුලින් හදුනාගත් පරිදි මේ සදහා මූලිකවම බලපාන්නේ බැක්ටීරියාවකි. මීට ආමතරව පහත කරුණු මේ සඳහා බලපැම් ඇතිකල හැකිය.
1. දීර්ඝ කාලීන වේදනා නාශක භාවිතය (Analigisics)
2. අධික මානසික ආතතිය (stress)
3. මත්පැන් භාවිතය (alcoholism)

ඇපෙන්ඩිසයිටිස් (Appendicitis )

appendicitis in sinhala - උන්ඩුක පුච්ඡ් ප්‍රදාහය

ඇපෙන්ඩිසයිටිස් එසේත් නෙත්නම් උන්ඩුකපුච්ඡ ප්‍රදාහය යනු තවත් බහුලව පවතින රෝග තත්ත්වයක් ලෙස හදුනාගත හැකිය. එය බොහෝ විට අසියාව හා අප්‍රිකානු රටවලට වඩා බහුල වන්නේ බටහිර රටවලය. තවද විශේෂයෙන් නව යොවුන්වියේ හා තරුණ වියේ පසුවන දරුවන් අතර බහුල මෙය වැඩි වශයෙන් දක්නට ලැබෙන්නේ පුරුෂ පාර්ශවය අතරය. අධික බඩේ වේදනාවක් සමඟ මෙම රෝගීන් බොහොමයක් රෝහල් ගතවේ.

ඇපෙන්ඩිසයිටිස් යනු..?

අපගේ කුඩා අන්ත්‍රය(small intestine)හා මහ අන්ත්‍රය(Large intestine) හමුවන ස්ථානයේ උන්ඩුක පුච්ඡය (Appendix)නැමති කොටස පවතී. එය මංශ භක්ෂකයන්ගේ ආහාර මාර්ගයේ පවතින දිරා නොගිය කොටස් ගබඩාකරන අවයවයකට සමාන වුවද මිනිස් සිරුරේ නෂ්ඨ වෙමින් පවතින අවයවයක් ලෙස හදුනාගත හැකිය. එසේ වුවද සමහර අවස්තාවලදී මෙහි ආහාර කොටස් හිරවීම හා ඒවා ආසාදනය වීම මගින් මෙම රෝග තත්ත්වය ඇතිවේ.

ඇපෙන්ඩිසයිටිස් වල රෝග ලක්ෂණ මොනවාද..?

මෙම රෝගීන් වමනය , කැම අරුචිය වැනි තත්ත්ව සමඟ ඉතා අධික යටිබඩේ දකුණු පස වේදනාවක් සමඟ වාර්තා වේ. ඒ සමග උණ, මුත්‍රා කිරීමේ අපහසුව වැනි තත්ත්ව ඇතිවිය හැකිය.

අපගේ උත්සහය සාර්ථක වන්නේ ඔබගේ අදහස් හා යෝජනා මගින් පමණි. එබැවින් එවැනි යෝජනා ඇත්නම් අප වෙත ඊමේලයක් මගින් හෝ අපගේ ෆොරමයේ සාකච්ඡාවක් ලෙස හෝ දන්වන්න.

[contact-form-7 id="175" title="Contact form 1_copy"]