කර්මය අලුතෙන් ලිවීම හෙවත් වෙලාව බලා සීසර් කිරීම……

සීසර් ශල්‍යකර්මය

 

වෙනදා මෙනම මගේ ජීවිතයට තවත් අලුත් දවසක් ආරම්භ විය. ඉතා වෙහෙසකාරී දිනකට පසු අවසානයට ඔන්න මෙන්න කියා තිබියදී හදිසීයේම මගේ නෙත යොමුවුයේ වෙනකක් දෙස නොව බ්ලොග් පෝස්‍ටුවක් දෙසය. එය එතරම්ම මගේ අවධානය දිනා ගැනීමට සමත් වුයේ එතරම්ම කාලීන වු මාර්තුකාවක් සම්බන්දව එහි කතා කර තිබීමය. ඒ සමගම මගේ මතකයද දිවගියේ වසර කිහිපයකට පෙර ‍රැයක් දහවලක් නැතිව ගතකල කාලයක් පිලිබඳවය. ඒ වෙනකක් නොව මා විසින් නාරි හා ප්‍රසව වේදය හදාරන සමයයි. ඒ කාලය තුල මා විසින් සීසර් සැත්කම් කීයක් නිරීක්ෂණය කලේ දැයි නිසි ආකාර මතකයක් නොමැති මා හට එයින් කිහිපයක් නම් හොදින් මතකයේ ‍රැදී ඇත.

තවත් පින්වත් දරු උපතක්

එය වාට්‍ටුවට තවත් එක දවසක් පමනි. මටද එසේමය. එහෙත් දහස් ගනනක් ජීවිත වලට එක එකම එක දවසක් නොවීය. මන්ද එය ඔවුන් සමහරුන්ගේ ජීවිත කාලයම නෙතු අයා බලා සිටි දිනයක් වු බැවිනි. වට්‍ටුවේ සිට ශල්‍යාගාරයට සෙමෙන් දිවයන මට බලාපොරොත්තුව නැමති ආලොකයෙන් විවිධ මට්ටම් වලින් දීප්තිමත් වු ඇස් දැක ගත හැකි විය. ඒ අතර තවත් එක් පුද්ගලයෙකු විය ඒ වෙනකෙකු නොව වෛද්‍යවරයෙකි. අනෙක් අය තමන්ගේ වාරය එනකම් බලා සිටිනා අතර ඔහු තමන්ගේ වේලාව එනකම් නොයිවසිල්ලෙන් බලා සිටිනු දක්නට ලැබුනි. ඒ වෙනකක් සඳහා නොව තමාගේ කිරි කැටියා දක්නා තුරාය.

මෙම සිද්ධිය මා හට මටකයට නැගුනේ ඉහත පොස්‍ටුවේ තිබු කතාවත් සමගය. කතාව කෙටියෙන් මෙසේය, දිනක් ජොතිර්වේදියෙකු වෙත මිනිසෙකු පැමින දරුවා සීසර් කර ගැනීමට වේලාවක් ඉල්ල සිටි. ඔහුට දරුවා දොස්තර කෙනෙක් කරන්නට අවශ්‍යව ඇත. එබැවින් කෙසේ හෝ වෙලවක් සදන ජෝතීර් වේදියට නැවත නැවත කිහිප විටක් වෙලාව වෙනස් කිරීමට වන්නේ වෙනකක් නිසා නොව වෛද්‍යය වරයාගේ කර්යය බහුලත්වය සහ වෙනත් කරුණු කිහිපයක් මතය. එමගින් අවසන් ප්‍රතිඵලය ලෙස දරුවා වෙලාවක් නොමැතිවම මෙලොව එලිය දකී.

Continue reading

විශේෂඥ වෛද්‍යවරුන්ටත් එහා ගිය විශේෂඥයෝ

patients
වෙනද මෙන්ම වට්‍ටුවට සුපුරුදු අත්දැකීමකි. රෝගියගේ වයස අවුරුදු 65ක් පමන බව දුරන් සිටි මට දක්නට ලැබුනි. ප්‍රෙශර් වැඩිවෙලා, හුස්ම ගන්න බැහැ, වෙනදා මෙන්ම වෙනත් අධි රුධිරට ලක්වු රෝගීන්ගේද ඉදහිට ලැබැන පැමිනිල්ල ඔහුගෙන්ද විය. සියලු විස්තර ඇසු වෛද්‍යයවරයා සායනික පොත ගෙන පෙරලුවා පමනක් දු‍ටු මා එහි කුමක් තිබුනාදැයි නොදැක්කමුදු සියල්ල ඔහුගේ මුහුනේ සටහන් විය. ඔහුගේ සිත තුල කුමන ආකාරයේ චෛතිසිකයක් ගොඩ නැගුනේදැයි නිශ්චිතව පැවසිය නොහැකි නමුදු ඔහු එය උපේක්ෂාවෙන් විදගන්නට උත්සහ කල බව පැහැදිලිය.

චරිතයෙන් දරුණු පුද්ගලයෙක් නොවු ඔහු මුහුන නැවත සකසා ගත්තේ රෝගියාට තදින් අවවාද කිරීමටය. “සීයා මාස 3කින් ක්ලිනික් ගිහින් නැහැ. ඉතින් ඔහොම කොහොමද අපි ලෙඩ හොද කරන්නේ? කට්ටියට අන්ඩුවෙන් නිකන් සල්ලි බෙහෙත් දෙන එක තමයි ප්‍රශ්නේ, සෙරටම මුල ඉදන් සල්ලි ගත්තානම් හරි.” වෛද්‍යවරයා කියගෙන ගියේය. “මේ පාර විතරයි මෙහෙම බාර ගන්නේ ඊලග පාර එහෙම මස ගනන් බෙහෙත් ගන්නෙ නැතුව එන්නේ නැහැ මේ පැත්තේ යැයි පැවසු වෛද්‍යවරයා ප්‍රතිකාර කිරීම අරබන්නට සැරසුනේ මොහු ඊලග වර එන්නේත් මෙහෙමය කියා නොදැන නොවේය.

Continue reading

දුවන්නන් වාලේ දිවීම

runing

වෙනදා මෙන්ම උදෑසනින්ම අවදිවු මා කෙලින්ම දිවගියේ විශ්ව විද්‍යාලීය එලිමහන් ක්‍රීඩා පිටියටය. ඒ වෙනකකට නොව සුපුරුදු ව්‍යායම් කටයුතු වලට මොහොතක් වෙන් කිරීම සඳහාය. මා එහි යන විටද එය ජනී ජනයාගෙන් පිරී ඉතිරී නොගියද යම් තරමක ජනකායක් එහි ‍රැස්ව සිටියහ ඒ දුවන්නටය. උදැසනින්ම මෙහි පැමිනි බොහෝදෙනා මෙන්ම මාගේද විනෝදාංශය මෙන්ම පලමු කාර්යය භාරය වුයේ දිවීමය. ඒ අතර විවිද ආකාරයේ පුද්ගලයන් සිටි අතර ඔවුන්ගේ සමාජ තත්ත්වය දැන ගැනීමට මට තිබු මුලිකම සාධකය වුයේ ඔවුන්ගේ ශරීර ප්‍රමාණයයි. ඒ හැරුණ විට ඉද හිට අයෙකුගේ පමනක් ඉහල මට්ටමේ බොටමක් ටී ෂර්ට් එකක් දැක ගත හැකිවිය. ඒ අනෙකුන් දුප්පත් නිසා නොව ඔවුන් බොහොමයක් ක්‍රීඩා පිටිය වෙත ඉතා සුපිරි ඝනයේ ඇදුම් අදින්නට මැලි ඌ නිසා වෙන්නට ඇත.

හැකි පමනින් දුව පැන වයායමක් කර ගත් මා නැවත වරක් නේවාසිකාගරයට දිව ගියේ හැකි ඉක්මනින් රෝහල වෙත දිව යාමටය. මේ අතර මට මුලින්ම හමුවුයේ මවක් සහ දරුවෙකි. ගැහැනුන්ගේ වයස ගණනය කිරීමේ කෙල පැමිනියෙක් නොවු මා දරුවාගේ වයසනම් ගනනය කර ගතිමි. ඒ ඉද හිට වුවද ඇතිවු මොලකැටි සිනාව තුල වු කිරිදත් පමනක් සහිත වු දත් දෙපලෙනි. ඒ අනුව ඔහුට වැඩිම උනොත් අවුරුදු 7ක් විය හැකිය. එසේත් නැත්නම් 8 පමනයැයි මම සිතිමි. මව දුවයි දරුවාද දුවයි. ඒ කුමටදැයි දන්නේ ඔවුන් දෙදෙනා පමණි. සමහර විටෙක අවසාන කඩ ඉම දරුවාද නොදැන සිටියද පුදුමයක් නැත.

ඒ අතර මාගේ කාමරයට පැමිනෙන විට වේලාව 6.30ට පමනය. මගේ මිතුරාද උදැසන ආහාරයවත් නොගෙන දිව ගොස් ඇති හැඩයක් දක්නට ලැබුනි. මාද කඩිමුඩියේ ලක ලැස්ති වි කන්නට දිව ගිය විට පෝලිම පිරි ඇත. මෙහි හිටියොත් අද 9ට වත් යන්නට නොලැබෙන බව දැනගත් මා නොකාම ගමන ආර්ම්භ කලෙමි. එලියට බැසුනු මොහොතේ සිටද සියලු දෙනා දුවයි. ඒ අතර පිරිසක් ඇදුම් සකසමින් දුවන්නේ ඔවුනට අදින්නටවත් වෙලාවක් නොමැති හෙයකිනි.

මේ අතර බසයට නැගුන විට බස් රියදුරුද කලබලයෙන් රිය පදවන්නට උත්සහ කලේ, පරචිත්ත විඥානයක් පහල වී දැයි මට සැක පහල වුනි. නමුත් එය එසේ නොවුයේ මා මෙන්ම සියලු දෙනාම කාර්යට යාමට යුහුසුලු වු බැවිනි. එතරම්ම අප සමාජය තම රාජකාරිය සඳහා කැපවීම පුදුමයකි. රියදුරාට කොතරම් හදිසී වුවද මාර්ගය පුර විසිරුණු ත්‍රී රෝද රථ නිසා ඔහුගේ මාර්ගය අවහිර වන්නට විය. ඔහුගේ ඉයවහ ගිය කෝපය ඉදිරියෙන්ම සිටි මට මොනවාට පැහැදිලි විය.

Continue reading

සර්පයන් සේ බිත්තර ගිලීම හා ගිල්ලවීම (Method of Sri Lankan Egg consumption)

සර්පයන් යනු ලැබෙන බිතතරයක් ගිල දැමීමට රුසියන්ය. අන්දරේට කිරි පැනි ලැබුනා සේ සර්පයන්ටද බිත්තර යනු දිව්‍යමය ආහාරයකි. ඒ අතර ගැරඩින්, නයන් වැනි එවුන් ප්‍රමුඛය. ඒ කෙසේ වුවද අද මාර්තෘකාව සර්පයන් නොව බිත්තරය. සර්පයන් බිත්තර ගිල දමන ආකාරය විමසීම පසුවට කල්දමා අප බිතතර දෙස යොමුවෙමු.

බිත්තර යනු අද වන විට ශ්‍රි ලංකාව තුල ඉතා ජනප්‍රිය අහාරයක් බව පෙනේ. බිත්තර තම්බා, බැද, ඔබ්ලට් දමා හෝ, ආප්ප හෝ රොටී වලට දමා හෝ විවිධ ආකාරයෙන් පුලුස්සා ආහාරයට ගැනීම අපගේ සිරිතයි. ඒ අතර බිත්තර අමුවෙන්ම ගිල දමන්නන්ද සිටිති. ඉතා ජනප්‍රිය වන බිත්තර අද රට තුල දිනපතා නැතිවම බැරි ආහාරයක් වේ. ඉතා හොද ප්‍රෝටීනමය ආහාරයක් වන බිත්තර ඉදුල් කටගෑ කුලුදුලාගේ පටන් වැඩිහිටි අබල දුබල වු සැමට ගුනදායක ආහාරයක් ලෙස සමාජයේ මතයක් පවති.

 

snake-egg
 

 

 

 

 

 

 

බිත්තර වල ආගමනය.. (beginning of history of eggs)

සිරි ලංකාව අතීතය තුල සහලින් ස්වයන් පෝෂිත වු බව අප දනිමු. ඒ අතර එය අගාධයට ගියේ සුදු ජාතිකයන්ගේ පැමිනීමත් සමගය. එය එසේ වන්නේ අපගේ ආහාර ඔවුන්ගේ ආහාර නොවු බැවිනි. ඔවුන්ගේ ආහාර වුයේ යකඩ, මිණිමුතු මෙන්ම රබර් වැනි දේය ඒ අතර ඉදහිට බඩට කියා පිටි සහිත යමක් ගන්නට ඔවුන් පුරුදුව සිටියහ. ඒ සමග ගැනීමට වඩාත් සුදුසු වු ආහරය වන්නේ බිත්තරය. එමගින් තිරිගු වලින් ලැබුනු අඩු පෝෂක ගුණය මකාලන්නටද සමත්විය. ඒ සමගම ශ්‍රි ලංකාව තුල සහල් නිෂ්පාදනය අඩාල වන්නේ ඔවුන් වෙනුවෙන් ආවඩන පිරිසක් බිහිවීම නිස වන්නට පුලුවන්. මන්ද සුදු ජාතිකයන්ගේ පයට පෑගුන දෙයක් වුවද අපේ මිනිසුන්ට එදා රන් රිදී වැනි විය. ඒ තුල බත් වෙනුවට වෙනත් ආහාර වලට යොමු වන්නට ඇත. පාන් හා වෙනත් නිෂ්පාදන වල අගමනය කෙදිනක සිදුවුයේදැයි හරිහැටි නොදන්නා මා එවා ශ්‍රි ලාංකික අපටනම් ගුනදායක නොවන බව සක්සුදක් සේ දනිමි. මෙලෙස බිත්තර වැනි ආහාරද ජනප්‍රිය වන්නට ඇත ( බිත්තර අතීතයේ නොගත් බව මම නොකියමි, නමුත් එය ඉතා ජනප්‍රිය නොවුබවනම් දනිමි.)

Continue reading

ලිංගිකත්වය සමඟ ගොඩ නැගුනු අසාමාන්‍යය ලිංගික ක්‍රියා…

ලිංගිකත්වයේ අවශ්‍යයතාවය…(need of sexuality)

sex in sinhala

මානව ලිංගිකත්වය හා ප්‍රජනනය යනු එකිනෙකින් වෙන්කර ගැනීමට අපහසු වු කරුණු දෙකක් වේ. වඩා වැදගත් වන්නේ ලින්ගිකත්වයද එසේත් නැතිනම් ප්‍රජනනයද යන්න පිලිබඳ මාගේ අදහස කුමක් වුවද මානව පැවැත්මේ මුලික අරමුණ වන ප්‍රජනන්යෙන් ඔබ්බට ගොස් ලිංගිකත්වය තුලම හිස ගල්වාගෙන පවත්වාගැනීම කොතරම් වැදගත් වේ දැයි සිතීම ඔබටම භාරකරන්නට සිත්නි. එබැවින් ඒ පිලිබඳ ඔබම මදක් සිතා බලන්න. කෙසේ වුවද මිනිසා නම් ජීවියාගේ පැවත්මට ප්‍රජනනයට වඩා ලින්ගිකත්වය ඉතා වැදගත් සාධකයක් බවනම් නොරහසකි.

ලිංගිකත්වය වැදගත්වන්නේ ඇයි…(importance of sex)

ඔබ කුඩා වසු පැටවෙකු දැක ඇත්නම්, එසෙත් නැත්නම් වෙනත් ඕනැම ක්ෂිරපායි සතෙකු සැලකුවද පොඩු ලක්ෂණය වන්නේ උපන් මොහෝතේ පටන් ඔවුන් ස්වාධීනත්වය සොයා ගමන් කරන බවයි. දෙමාපියන්ගෙන් ඔවුනට ලැබෙන්නේ ඉතා සුලු උපකාරයක් පමණි. එසේත් නැතිනම් නැති තරම්ය. මිනිස් දරුවා ඉපදී අවුරුදු එකකින් ඇවිදින විට වෙනත් එකෙකු පැයකටත් වඩා අඩු කාලයකින් ඇවිදීම අරබන්නේ එසේ නොකරන එකෙකු උපන් මොහොතේම ස්වාභාවික වරණයට ලක්වීමට ඉඩ හසර සලසමිනි.

Continue reading

සිංහලෙන් සෞඛය ගැන ලිවීම

ශ්‍රි ලාංකීය ඊ තාක්ෂණය……

e-learning
කියන්නට බොහෝ දේ ඇත. ඒ මොනවාදැයි කියන්නට මා යුහුසුලු නොවෙමි. එසේ නමුදු වෛද්‍යය ශිෂ්‍යයෙක් ලෙස මා හට සුවපත් හෙටක් හැරෙන්නට පතන්නට දෙයක් නොමැත. එහෙයින්  මා හට ඉද හිට ලැබෙන සුලු විරාමයෙන්, ඔබගේ දිවිය සුවපත් කරන්නට උපදෙස් කිහිපයක් දීම මෙන්ම සුවපත් ශ්‍රි ලංකාවක් ගොඩනැගීම පිනිස අවශ්‍යය ප්‍රවාදයක් ගොඩනැගීම මාගේ කාර්යය භාරය කර ගැනීමට සිතුනි. ඒ තුල කතා කරනට බොහෝ මාතෘකා ඇතත් කාලය තරම වේගයෙන් මගේ අතැගිලි වලට ක්‍රියාත්මක නොවීමට ඇති හැකියාව නිසාම ඉද හිට ඉගෙනුමට යොදාගතයුතු ස්වල්ප වු හෝරා කිහිපයෙන් සොරාගන්න මිනිත්තු කිහිපයක් ඇතුලත කියන්නට හැකි බොහෝ දේ කියන්නට යුහුසුලු වෙමි. මාගේ බ්ලොග් කරනයේ මූලික අරමුණ මීට වඩා කියන්නට උත්සහ නොකරමි. එය ඉදිරියේදී ඔබම අත්විඳිනු ඇතැයි විශ්වාස කරමි. ඒ මොහොත උදාවන තුරු ඇගිලි ගනිමින් බලා සිටිමට වඩා සිතේ ඇති සිත්තම ඔබ වෙත පුදන්නට මගේ අතැගිලි යුහුසුලු වනු ඇත.

මා ඉගෙනගත් තාක්ෂණය…

කුඩා කල ගණිතය හා විද්‍යාවට පමනක් ඇලුම් කල මා බෞද්ධ ධර්මය, ඉතිහාසය, දේශපාලනය මෙන්ම සහිත්‍යයටද යොමුවූයේ මගේ තුරුණුවිය එලබීමත් සමගය. ඒ කාලයේ මා සමාජ අධයනය විෂය සඳහා ඉගෙනගත් පුරාණ ඉදිකිරීම් තාක්ෂණය අදද මගේ සිත තුල සිතුවමක් සේ ඇදී ඇත. යෝධ ඇල, කුට්ටම් පොකුණ මෙන්ම සීගිරියද ඒ අතර වේ. මෙවැනි නිර්මාණ මා තුල ශ්‍රි ලංකීය අභිමානය ජනිත කල අවස්ථා අපමණය.

Continue reading